Ziberkomunikabideen interaktibitatea aztergai

Zibermedioen nolakotasuna aztertzeko xedez, batez ere interaktibitatean  oinarrituz, Euskal Herriko, Espaniako eta nazioarteko  ziberegunkariak analizatu ditugu.  Nik zehazki euskal mailako Gara.net, Epainia mailako Elpais.com eta Italiako Repubblica.it ziberegunkariak izan ditut lagin. 


 

Hiruren arteko aldeak nabariak dira. EL PAÍS da zalantzarik gabe interaktibitatea hobekien lantzen duen medioa. Hiruren artean bakarra da inkestak egiteko eta bertako emaitzak ikusteko aukera ematen, komunitateak sortzeko  gonbitea luzatzen eta herritarren parte hartzerako  atal bereiziarekin. 

Dena den, La Repubblica ez dago El Paísetik oso urrun. Bi medioetan foroa auki daiteke, nahiz eta azkenaldian ez duen funtzionatu, baita blogak ere (Egunkari espainiarrak blogak sortzeko aukera ematen du gainera). Bestalde, La Repubblican lehiaketetan parte hartzeko aukera ematen dute. Biek ala biek  bideoak, argazkiak eta berriak bidaltzeko aukera ematen dute, horretarako erabiltzaileak aldez aurretik erregistratu behar direlarik. Argazkiak galerietan biltzen dituzte, La Repubblicak esaterako oporren inguruko galeria du. El Paisek galeria anitz ditu ( gai askea, erretratuak, nire hozkailua, zuri-beltzean...)

Garak ere badu galeria baina medioak berak argitaratutako argazkiena soilik, zehazki eguneko argazkien galeria.

Berri bakoitzaren interkatibitateari dagokionez, Garan berriak inprimatu, bidali, gorde eta zabaltzeko aukera baino ez dago. La  Repubblican eta El Paisen euskal medioak eskainitako aukerez gain berriak bozkatzeko eta iruzkintzeko aukera ematen dute. Egunkari italiarrean iruzkinak egin ahal izateko erregistratu eta identifikatu beharra dago eta iruzkinak libreak dira, hau da, medioak ez ditu moderatzen. El Paisen identifikatzearekin nahikoa da iruzkinak egin ahal izateko baina mugatuak daude. Egunkari honetan gainera , irakurleak medioak argitaratutako informazioa zuzendu dezake.

Informazioa ahalik eta era erosoenean irakurtzeko baliabideei dagokienez , EL PAIS gailentzen da berriz ere, izan ere, argazki zein testuaren tamaina aldatzeko aukera ematen duen bakarra da.    

Hiru zibermedioek oinarrizkoena dute soilik amankumean,  sare sozialetan presentzia, Facebook-en batez ere eta feeds-ak jasotzeko aukera eta erredakzioarekin kontaktuan jartzeko bideak ematen dituztela alegia. Dena den, hiruretatik batek ere ez du artikulugileen emailik ematen.

Ikusi: Ziberkomunikabideen analisiaren fitxak