Euskal Herrian euskaraz hitz egin eta jolas… baita Miranda Ebron ere!

 Euskarak mugak gainditzen ditu, euskal komunitatea Euskal Herria baino askoz haratago doalarik.  Egungo errealitateak euskara munduko herrialde desberdin askotan irakatsi eta hitz egiten dela agertzen du eta ez dugu zertan Poloniarantz begiratu behar  adibide bat aurkitzeko. Izan ere, Bartzelona, Madril eta Miranda Ebroko Hizkuntza Eskoletan euskara ikasteko aukera dago. Azkenengoa barrutik ezagutu ahal izan dut,  ateak ireki nahi?

Zinema euskaraz nonahi!

Gabon hauetan ez dago aitzakiarik zinemaz euskaraz gozatzeko! 

Izan ere, Zinema Euskaraz programa abian da dagoeneko. Horrela, eitb.com eta kulturklik webguneen bitartez doako euskarazko 30 film baino gehiago streaming bidez ikusteko aukera dago. Honez gain, zinema-aretoetan 20 film euskaraz ikusi ahal dira eta beste 27 DVD formatuan salmentan jarriko dira.

Animazioa, fikzioa, dokumentalak... eskaintza zabala da eta zerrenda luzea: "Aupa Etxebeste", "Obaba",  "Unibertsolariak", "Ander", "Zorion perfektua" , "80 egunean"... 

 

CAL - Creative Archive Licence

Zer deritzozue egile-eskubideak babesteko gaur egun merkatuan dauden lizentzien inguruan? Copy Right izan zen lehena. Lizentzia hertsiegia izanik, laster alternatiba anitz jaio ziren, Copy Left, Creative Common... Software libreago baten aldeko gero eta eredu gehiago dago horien artean CAL, Creative Archive Licence.

 

Zer-nolakoa den jakin nahi?

Zer da CAL? 

Mugimenduan dauden irudiak, audioak eta argazkiak deskargatzeko lizentzia partekatua da. Era kolektiboan, produktu desberdinak publiko zabalari eskaintzeko bide bat da, egile guztien lana aitortuz.

Creative Archive Licence izenpean interneten igotako edukiak doan  deskargatu daitezke eta oinarritzat hartu bestelako lanak egiteko. 

Nork-nortzuk sortu zuten? 

BBC, BFI (British film institute), Channel 4 ( Erresuma batuko telebista kanal komertzial publikoa) eta Open-ek (Erresuma Batuko distantziazko unibertsitatea) sortu zuten  2005. urtean.

Gaur egun Teachers TV (irakasleei zuzendutako telebista digitala), Museums, Libraries and Archives Council eta ITN Source-k (historiari buruzko web orrialdea) ere osatzen dute taldea.

CAL-en oinarrizko 5 arauak:

1)     Non-commercial: Erabilera ez komertziala (familiartean, lagunartean... erabil daiteke) Lizentzia honekin bataiatutako produktuek ezin dute helburu komertziala izan.

2)   Share-Alike: Banaketa orekatua: Jatorriko produktua eraldatzen denean hirugarrenekin partekatzeko baldintzak oinarrizko produktua deskargatzean kontutan hartutako baldintza berak izango dira.  Lizentziak jasotako baldintzak ezarriko zaizkio eraldatutako produktuari.

3)  Crediting(Attribution)-Akreditazioa: Egindako lana aitortzeko modu bat da, bai norbanakoen lana baita talde lana. Edukien sorkuntzan parte hartu duten eragile guztiak aipatu behar dira, akreditatu.

4)    No Endorsement and No derogatory use-Ez da  mespretxuan edo era iraintzailean erabiliko, lanak gaitzesteko helburuz alegia.

5)    UK-Erabilera gunea: Erresuma Batua.

Kaosa Europako aireportuetan denboralearen ondorioz

Atzotik elurrak eta hotzak gelditurik dauzka Europako aireportu nagusienak. Egoerarik okerrena Erresuma Batuan dute. Londreseko Heathrow aireportuan gaur ez da hegazkinik lurreratu eta 7 soilik aireratu dira.

Europan aire-trafikorik handiena duen aireportua izanik, Heathrow-ko egoerak arazo handiak suposatu ditu hainbat aireportutan. Frankfurteko aireportuan ehunka atzerapen daude, Frantziako aireportu nagusiko hegaldien %40a bertan behera gelditu da  eta Bruselas-eko airpeortua itxita dago. Italian eta Holandan ere anabasa  da nagusi.

Diario de Noticias de Alava aztergai

Diario de Noticias de Alava, Araba mailako hedapena duen Noticias taldearen barneko egunkaria da  eta tokian tokiko informazioari ematen dio garrantzia batez ere. Egunkari gaztea izan arren, 6 urte ditu, Arabako bigarren egunkaririk irakurriena da.

Lau astetan banatutako zortzi egunetan,  zibermedio honek landutako edukiak aztertu ditut irizpide desberdinak kontutan harturik. Lehenik eta behin, generoa, gaia eta gune geografikoa bereiziz berrien identifikazioa egin dut. Ondoren, osagarri multimedia eta interaktiboak eta hipertestuaren eta memoria eta artxiboen erabileran oinarritu naiz. Kazetaritza diseinuari ere heldu diot. 

Nerbioi ibaiaren jaiotza, uraren indarra ikuskizun

Bilbotar askoren atsekaberako, Bilboko itsasadarraren ardatz den Nerbioi ibaia,  ez da Bilbon jaiotzen, Arabako iparraldean baizik,  zehazki Urduñako mendatean. Ura lurraren barrenetik irteten da eta Delikako haitzartetik indarrez  erortzen da 220 metrotako ur-jauzia sortuz.  Europako ur-jauzirik altuenetako bat da.  Ikuskizun eder honetaz gozatzeko Nerbioiko behatokira hurbiltzea baino ez dago. Euri garaian eta urtzaldian joatea komeni da, orduan  erortzen bait  da ur gehien. Negua eta udaberria dira beraz behatokira joateko urtarorik aproposenak 

Bideo honen bitartez urak eskaintzen duen esperientzia ikusgarriaren  lekuko izan zaitezkete.