Kaosa Europako aireportuetan denboralearen ondorioz

Atzotik elurrak eta hotzak gelditurik dauzka Europako aireportu nagusienak. Egoerarik okerrena Erresuma Batuan dute. Londreseko Heathrow aireportuan gaur ez da hegazkinik lurreratu eta 7 soilik aireratu dira.

Europan aire-trafikorik handiena duen aireportua izanik, Heathrow-ko egoerak arazo handiak suposatu ditu hainbat aireportutan. Frankfurteko aireportuan ehunka atzerapen daude, Frantziako aireportu nagusiko hegaldien %40a bertan behera gelditu da  eta Bruselas-eko airpeortua itxita dago. Italian eta Holandan ere anabasa  da nagusi.



AENAren arabera, Espainiar estatuan, ehunka hegalditik gora bertan behera gelditu dira. Alemania helmuga zuten 24, Frantziarako norabidean zihoazen 55, Italiarako 4 eta Erresuma Batuarekin loturak zituzten 85. Etxean, Loiuko aireportuan 10 hegaldi bertan behera gelditu dira Alemaniara zihoazen 6, Frantziarako bi eta Erresuma Batuetarako beste bi. Forondan, Hondarribian eta Noainen normaltasuna da nagusi.