Nerbioi ibaiaren jaiotza, uraren indarra ikuskizun

Bilbotar askoren atsekaberako, Bilboko itsasadarraren ardatz den Nerbioi ibaia,  ez da Bilbon jaiotzen, Arabako iparraldean baizik,  zehazki Urduñako mendatean. Ura lurraren barrenetik irteten da eta Delikako haitzartetik indarrez  erortzen da 220 metrotako ur-jauzia sortuz.  Europako ur-jauzirik altuenetako bat da.  Ikuskizun eder honetaz gozatzeko Nerbioiko behatokira hurbiltzea baino ez dago. Euri garaian eta urtzaldian joatea komeni da, orduan  erortzen bait  da ur gehien. Negua eta udaberria dira beraz behatokira joateko urtarorik aproposenak 

Bideo honen bitartez urak eskaintzen duen esperientzia ikusgarriaren  lekuko izan zaitezkete.

Dena den, ur gutxi dagoen garaian joateak ere  merezi du  bertako paisaia  benetan ederra bait da.

Nerbioiko behatokia,  Santiago mendian kokatzen da, Urduñako mendatean. Kotxez erraz irits daiteke eta hainbat aparkaleku dago ibilgailua uzteko. 3 km ibili ondoren behatokira helduko gara. Bidean aintzinean otsoak harrapatzeko tranpak ikus daitezke. Argazki honek otsoak harrapatzeko teknikaren berri ematen digu. Nekazariek otsoak izutzen zituzten eta hauek ihesean irteten zirenean atzetik joaten zitzaizkien tranpetara gidatuz. Tranpak zulo handiak ziren, otsoak bertara erori eta akatuak izaten ziren. 

Gaur egun zorionez ez da horrelakorik egiten,  historiaren pasarte bat dugu, Nerbioiko behatokira joanez ezagut dezakeguna. Historia eta natura bat.